Dehli Pokiston bilan 7-may kuni boshlangan harbiy mojaroda qiruvchi samolyotlari urib tushirilganini ilk bor tan oldi. Bu haqda Hindiston qurolli kuchlari Bosh shtabi boshlig‘i general Anil Chauhan ma’lum qildi. Qo‘mondon bu haqda Singapurda o‘tayotgan Shangri-La Dialogue xavfsizlik anjumanida aytib o‘tgan.
Anil Chauhan na qanday modeldagi samolyotlar urib tushirilgani, na ularning modellarini ochiqladi. Biroq u Pokiston tomonining oltita qiruvchi safdan chiqarilgani haqidagi da’volarini rad etdi.
Ijtimoiy tarmoqlarda tarqalgan foto va video tasvirlarda Hindistonga tegishli Rafale yoki Mirage 2000 samolyotlari, shuningdek Su-30 va MiG-29 qiruvchilarining qoldiqlari aks etganini ko‘rish mumkin. Umumiy hisobda 5 ta samolyot va bir dron urib tushirilganini da’vo qilinmoqda.
To‘qnashuvga 22-aprel kuni Kashmirning Hindiston nazoratidagi Pahalgam shahrida yuz bergan terakt sabab bo‘ldi. O‘shanda 26 nafar fuqarosi halok bo‘lgan Dehli aybdor sifatida Islomobodni ko‘rsatdi. Shuningdek 6-maydan 7-mayga o‘tar kechasi “Sindoor operatsiyasi” deb nomlangan amaliyot boshlandi.
CNN xabariga ko‘a, 7-may kuni tongda yuzdan ortiq samolyot zamonaviy aviatsiya tarixidagi eng yirik havo jangini o‘tkazgan. Unda har ikki tomon chegaralarni kesib o‘tmay, bir soatga yaqin uzoq masofali raketalar uchirish bilan kifoyalangan.
Generalning aytishicha, Hindiston jangning birinchi kunidagi xatolardan saboq olib, keyingi hujumlarni muvaffaqiyatli amalga oshira olgan. Ikki kundan keyin taktikani o‘zgartirib, asosan Pokiston ichkarisidagi nishonlarga zarba berish boshlanagan.
Qo‘mondon, shuningdek, Pokiston hududidagi bir nechta harbiy aerodromlar va “terrorchilik obyektlari” nishonga olinganini iddao qildi.
Izoh (0)