O‘zbekistonda o‘quvchilarni bir maktabdan boshqa maktabga ko‘chirish xizmati 26-maydan vaqtincha to‘xtatiladi.
Maktabgacha va maktab ta’limi vazirligi matbuot xizmatining ma’lum qilishicha, Vazirlar Mahkamasining 2022-yil 1-iyundagi qarori bilan tasdiqlangan Ma’muriy reglament asosida amalga oshirilayotgan quyidagi davlat xizmatlari 2026-yilning 26-mayidan 31-iyuliga qadar vaqtincha to‘xtatiladi:
- o‘quvchilarni bir maktabdan boshqa maktabga ko‘chirish;
- chet el fuqarolari va fuqaroligi bo‘lmagan shaxslarning farzandlarini maktabga qabul qilish;
- xorijiy maktablardan O‘zbekiston fuqarolari farzandlarini ko‘chirish.
Davlat xizmatlari 2026-yil 1-avgustdan boshlab qaytа davom ettiriladi.
O‘zbekistonda o‘quvchilarni sinfdan sinfga va bir maktabdan boshqasiga o‘tkazish bepul amalga oshiriladi.
