2026-yil yanvar—mart oylarida O‘zbekistonda taʼlim olish uchun 15 124 nafar xorijlik keldi. Statistika qo‘mitasi xabariga ko‘ra, chet ellik tahsil oluvchilar soni 2025-yil I chorakdagidan 2,3 baravarga oshgan.
Uch oyda mamlakatga o‘qish uchun kelganlar orasida turkmanistonliklar ulushi eng yuqori bo‘lgan — 7 174 nafar. Shu bilan birga, Hindiston (2 835 nafar) va Tojikistondan (1 170 nafar) tashrif buyurganlar soni nisbatan ko‘pligi qayd etilgan.
Qolgan davlatlardan taʼlim uchun O‘zbekistonga kelganlar soni quyidagicha:
- Xitoy — 641 nafar;
- Qirg‘iziston — 483 nafar;
- Pokiston — 438 nafar;
- Misr — 353 nafar;
- Janubiy Koreya — 342 nafar;
- Filippin — 286 nafar;
- AQSH — 191 nafar;
- Boshqa davlatlar — 1 211 nafar.
Avvalroq O‘zbekiston oliygohlarida 23 500 nafar xorijlik talaba tahsil olayotgani maʼlum qilingan. Shu bilan birga, respublikadagi universitetlar diplomini dunyo bo‘yicha 40 taga yaqin davlat tan olayotgani bildirilgan.
