Italiyaning O‘zbekistondagi yangi tayinlangan elchisi Gvido De Sanktis tashqi ishlar vaziri Baxtiyor Saidovga ishonch yorliqlari nusxalarini topshirdi.
Vazirning yozishicha, qabul marosimi doirasida bo‘lib o‘tgan uchrashuvda O‘zbekiston va Italiya o‘rtasidagi ikki tomonlama hamkorlikning bugungi holati va istiqbollari muhokama qilindi.
Tomonlar savdo, sarmoya va iqtisodiy aloqalarni kengaytirish, amaliy hamkorlikni rivojlantirish hamda ishbilarmon doiralar o‘rtasidagi aloqalarni rag‘batlantirish muhimligini ta’kidladi. Uchrashuv yakunida elchiga mamlakatdagi faoliyati davomida muvaffaqiyatlar tilandi.
Siyosatchi Pergabriyele Papadia de Bottini 2024-yil dekabrda Italiyaning O‘zbekistondagi elchisi etib tayinlangan. U o‘z faoliyati davomida o‘zbekistonlik muhojirlarning Italiyadagi faoliyatiga katta e’tibor qaratgan. “Migratsiya — muhim yo‘nalish, O‘zbekiston boy tajribasi bilan MOdagi hamkorlar uchun namuna bo‘la oladi”, degan de Bottini.“Toshkentdagi missiyamni, shuningdek, Tojikistonda akkreditatsiyadan o‘tgan holda faoliyatimni boshlash men uchun katta sharafdir. Siyosiy muloqotni, iqtisodiy, ilmiy va madaniy hamkorlikni, institutlar o‘rtasidagi almashinuvlarni hamda biznes va fuqarolar uchun imkoniyatlarni mustahkamlash yo‘lida ishlayman. Bularning barchasi Markaziy Osiyoda ‘Italiya +5’ tashabbusi doirasida amalga oshiriladi”, deb ta’kidladi yangi elchi.
