Tayvanda 7 balli zilzila kuzatildi (video)

Tayvanning shimoli-sharqidagi Yilan shahrida 27-dekabr kuni kechki payt 7 magnitudali zilzila sodir bo‘ldi. Bu haqda Taiwan News xabar berdi.

Ma’lum qilinishicha, zilzila tungi soat 23:05 da qariyb 73 kilometr chuqurlikda yuz bergan. Yer silkinishi poytaxt Taypeydagi binolarni sezilarli darajada tebratgan. Milliy o‘t o‘chirish xizmati xabariga ko‘ra, hozirda yetkazilgan zarar miqdorini baholash ishlari olib borilmoqda.

Tayvan ikkita tektonik plitaning tutashgan joyida joylashgan bo‘lib, zilzilalarga moyil hudud hisoblanadi. So‘nggi kuchli zilzila 2024-yil aprel oyida yuz berib, yer silkinishi kuchi 7,5 va 6,6 magnitudali deb baholangan. 2016-yilda ham halokatli zilzila qayd etilib, unda 100 dan ortiq odam halok bo‘lgan bo‘lgan. 1999-yilda sodir bo‘lgan 7,3 magnitudali zilzila esa 2000 dan ortiq kishining hayotiga zomin bo‘lgan edi.