O‘zbekistonda dam olish kunlari havo harorati asta-sekin pasayadi. Bu haqda “O‘zgidromet” xabar berdi.
Prognozlarga ko‘ra, 24-oktyabr juma kuni kunduzi va dam olish kunlari O‘zbekiston bo‘yicha iliq va quruq ob-havo saqlanib turadi, yog‘ingarchilik kutilmaydi. Faqat 25—26-oktyabrda Toshkent viloyatining tog‘li hududlarida ba’zi joylarda qisqa muddatli yomg‘ir yog‘adi, baland tog‘li hududlarda qorga aylanishi mumkin.
Havo harorati 24-oktyabrda 25-30 darajani, shimolda 21-26 darajani tashkil etadi.
Dam olish kunlari esa havo harorati asta-sekin pasayadi va 25-oktyabrda 23-28 darajani, 26-oktyabrda 21-26 darajani, shimolda 25-26-oktyabrda 19-24 darajani tashkil etadi.
Toshkentda havo harorati shanba kuni 25-27 daraja, yakshanba kuni 24-26 daraja bo‘ladi. Kechalari harorat 13-15 daraja atrofida bo‘ladi.
