Toshkent metropolitenida tugʻilgan chaqaloq va uning onasiga metrodan butun umr tekin foydalanish imkoni berildi. Bu haqda metropoliten matbuot xizmati xabar qildi.
Chaqaloq kuni kecha, 6-oktyabr kuni “Gʻafur Gʻulom” bekatida dunyoga kelgan. Shu munosabat bilan metropoliten rahbariyati tugʻilgan farzand va uning onasiga umrbod metrodan bepul foydalanish huquqini beruvchi maxsus kartani taqdim etishga qaror qildi.
Shuningdek, onaga farzandini dunyoga keltirishda yaqindan yordam bergan xodima Naima Maxamadjonova hamda jarayonda ishtirok etgan bir qator metro xizmatchilari ragʻbatlantiriladigan boʻldi.
Avvalroq Toshkent viloyati Yangiyoʻl shahar tumanlararo perinatal markazida vazni 7 kilogramm 3 gramm boʻlgan qiz bola chaqaloq dunyoga kelgandi.
