Xorazmning Urganch tumanida Cobalt va skuter oʻrtasida YTH sodir boʻldi. Bu haqda Yoʻl harakati xavfsizligi xizmati xabar qildi.
Qayd etilishicha, joriy yilning 23-sentyabr kuni Urganch tumanidan oʻtgan yoʻlda qoraqalpogʻistonlik 2005-yilda tugʻilgan haydovchi boshqaruvidagi Cobalt mashinasida yoʻlni kesib oʻtayotgan skuter haydovchisini urib yuborgan.
Skuter boshqaruvida boʻlgan shaxs olgan tan jarohatlari natijasida voqea joyida hayotdan koʻz yumgan.
Holat yuzasidan dastlabki tergov harakatlari olib borilmoqda.
Avvalroq Toshkentda Spark va skuter oʻrtasida YTH sodir boʻlgandi. Natijada skuter haydovchisi va yoʻlovchisiga birinchi tez tibbiy yordam koʻrsatilgan.
Boshqa bir holatda esa Lacetti, skuter va Isuzu yuk-transport vositalari toʻqnashishi oqibatida 2006-yilda tugʻilgan skuter yoʻlovchisi vafot etgan.
