Xorazmda ikkita mashina to‘qnashishi oqibatida trotuarda turgan 2 yoshli bola halok bo‘ldi. Bu haqda viloyat YHXB xabar berdi.
Ma’lum qilinishicha, holat 17-sentyabr kuni soat taxminan 9:00 larda Yangiariq tumani “Angarik” mahalla fuqarolar yig‘ini hududidan o‘tgan 4R-162 avtomobil yo‘lining birinchi kilometrida sodir bo‘lgan.
1991-yilda tug‘ilgan Nexia avtomashinasi haydovchisi chap tomonga qayrilmoqchi bo‘lib turganida, orqa tomondan harakatlanib kelayotgan 33 yoshli haydovchi boshqaruvidagi Cobalt avtomashinasi uni quvib o‘tmoqchi bo‘lgan.
Biroq Nexia avtomashinasiga urilib, boshqaruvni yo‘qotgan va yo‘l chetida, trotuarda turgan 2023-yilda tug‘ilgan bolani urib yuborgan. U voqea joyida vafot etgan.
Mazkur holat yuzasidan Yangiariq tumani Ichki ishlar bo‘limi tergov guruhi tomonidan dastlabki tergov-surishtiruv harakatlari olib borilmoqda.
