Farg‘ona viloyati Buvayda tumanida haydovchi “Volga”da 6 yashar bolani urib yuborib, uning o‘limiga sababchi bo‘ldi. Bu haqda viloyat YHXB matbuot xizmati xabar berdi.
Unga ko‘ra, YTH 16-avgust kuni soat 16:30 larda Buvayda tumani “Dehqonobod” MFY hududidan o‘tgan avtomobil yo‘lida yuz bergan. 33 yoshli T.M. “Gaz-3110” avtomobilini boshqarib ketayotib, velosipedda yo‘lning qatnov qismiga chiqib ketgan 6 yashar X.M.ni urib yuborgan.
Oqibatda tan jarohati olgan bola shifoxonaga olib borilgan. Biroq ko‘rsatilgan tibbiy yordamga qaramasdan o‘sha yerda vafot etgan.
Hozirda mazkur holat yuzasidan Buvayda tumani IIBda tergov harakatlari olib borilmoqda.
11-avgust kuni Andijon shahrida Damas piyodalar yo‘lakchasidan o‘tayotgan 9 yoshli bolani urib yuborgandi. Tan jarohatlari olgan bola shifoxonaga yotqizilgandi.
Izoh (0)