Markaziy bank xorijiy valyutalarning o‘zbek so‘miga nisbatan 18-sentyabrda amalda bo‘ladigan qiymatini eʼlon qildi.
Unga ko‘ra:
- dollar 30,89 so‘mga tushib, 12 254,27 so‘m bo‘ldi;
- yevro 1,49 so‘mga ko‘tarilib, 14 516,41 so‘m bo‘ldi;
- rubl 0,73 so‘mga pastlab, 147,89 so‘mni tashkil etdi.
Dollar kursining bunday past ko‘rsatkichi oxirgi marta 2023-yil noyabrida qayd etilgan edi. O‘sha yilning 6-noyabrida dollar kursi 12 254 so‘mni tashkil etgan.
Markaziy bank raisi Timur Ishmetovning ma’lum qilishicha, Oʻzbekistonda almashuv kursi ichki valyuta bozoridagi talab va taklif asosida shakllanadi. Markaziy bank almashuv kursi boʻyicha bir maqsadli koʻrsatkich belgilamaydi va almashuv kursi shakllanishiga aralashmaydi.
