Suriya xavfsizlik kuchlari Idlib shahrida xorijliklar, jumladan, oʻzbekistonlik jangarilarga qarshi bir qator reydlar oʻtkazdi. Bu haqda mahalliy manbalarga tayanib, El Manshar xabar berdi.
Ma’lumotlarga koʻra, 2025-yil iyun oyida Abu Dujon al-O‘zbekiy taxallusi bilan tanilgan harbiy instruktor Ayyub qo‘lga olingan. Uni Suriyaning xavfsizligi guruhi hibsga olib, noma’lum joyga olib ketgan.
Avgust oyi oxirida Al-Qusur tumanidagi reyd natijasida yana bir o‘zbekistonlik — Islom al-O‘zbekiy ushlangan. Unga qarshi operatsiya jangarining joylashuvi haqidagi ma’lumotlar qoʻlga kiritilgach, amalga oshirilgan.
Bundan tashqari, Suriya xavfsizlik kuchlari 3-sentyabr kuni Idlib g‘arbidagi Haram tumanida ISHID hujayrasini yo‘q qilgan. Qo‘lga olinganlar orasida Iroq va O‘zbekistondan kelgan jangarilar ham boʻlgan.
Suriya manbalariga ko‘ra, 2020-yildan beri xorijiy jihodchilarni shu “Al-Qoida” va ISHID bilan aloqador guruhlarni tozalash kampaniyasi olib borilmoqda. Operatsiyalarning maqsadi mintaqa ustidan nazoratni kuchaytirish va parallel hokimiyat markazlari paydo bo‘lishining oldini olishdir, deyiladi xabarda.
ISHID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
