Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola qilamiz.
Turk aktrisasi Tuba Buyukustun yangi serialda suratga tushmoqda. U kunlik Stories’larida kadrorti jarayonlaridan parchalar ulashyapti.
Olimpiada chempioni Diyora Keldiyorova turmush o‘rtog‘i bilan dam olish kunini maroqli o‘tkazgani haqida post joyladi. Sportchi yaqin kunlarda ilk bor onalik baxtiga erishadi.
Yusufxon Nurmatov otasi marhum xonanda Musaxon Nurmatovni xotirladi. U hayot bo‘lganda, bu yil 57 yoshni qarshilardi. Yusufxon otasi uning eng yaqin do‘sti bo‘lganini ham yozmoqda.
Hitmeyker Hamdam Sobirov jajji muxlislari bilan uchrashib qoldi va “Nazira” qo‘shig‘ini birgalikda kuyladi.
Aktrisa, model Kristina Rustamova “Sevgi sharbati” nomli yangi filmda suratga tushayotganini ma’lum qildi. Film kuz oylarida efirga uzatilishi rejalashtirilgan bo‘lib, unda Kristina noodatiy obrazda gavdalanadi.
“Qalpoq” hajviy ko‘rsatuvi aktyori Jo‘rabek Norqulovni jamoadoshlari va hamkasblari xotirlamoqda.
“Kasalim oddiy, shunchaki shamollaganman, degandi. Ikkita non, bir kilo olma olib bir martagina ham ko‘rgani bormabmiz. Mana shu yuragimda armon bo‘lib qoldi”.
“U kasal bo‘lmas edi, bunga o‘rganmaganmiz. Oddiy kasal, o‘tib ketadi, deb o‘yladik. Hamma g‘aflatda qoldi”.
Aktyor shu yilning 13-iyul kuni vafot etgan. Uning o‘limiga uzoq davom etgan kasallik sabab bo‘lgan.
Komik aktrisa Shahlo Zoirova “radar”ga kam tushsa-da, aniq tushishini aytib, barchaga jarimalarsiz kun tilamoqda.
Komik aktyor Asqar Hikmatov Fransiyaning Parij shahri bo‘ylab sayohatda. U Eyfel minorasi oldida ko‘ngildagidek suratga olib qo‘yolmagani uchun mobilografini haydab yuborgani haqida hazilomuz Stories joyladi.
Xonanda Ruxshona 2024-yilning 28-oktyabrida ikkinchi bor turmushga chiqqandi. Xonanda Instagram’da obunachilarini hayratga soldi — u uchinchi turmush o‘rtog‘i deb taxmin qilinayotgan inson bilan surat joylab, “Barchangiz shokdasiz, bilaman. Tez fursatda hammasini aytamiz, hozir esa shunchaki baxt tilang” deb yozmoqda.
