Namangan viloyatining Mingbuloq tumani dalalarida paxta ochildi. Bu haqda “Daryo” muxbiri Azizbek Abduvaliyev xabar bermoqda.
Foto: “Daryo” / Shoxruh Kenjayev
Paxta ochilgan dalalar tumandagi “Oybek Diyor Tursunboyevichlar” fermer xo‘jaligiga qarashli bo‘lib, bu yerda g‘o‘zaning Xitoy-52 navi ekilgan. Paxta uchun ajratilgan 37 gektar maydondan 50 sentnerdan ortiq hosil yig‘ishtirib olish ko‘zda tutilgan.
Mutaxassislar bu yil paxta odatdagidan ertaroq yetilganini aytmoqda. Bunga havo harorati meʼyordagidan issiq bo‘layotgani sabab sifatida keltirilmoqda.
Maʼlumot uchun, Namangan viloyatida yetishtiriladigan jami paxta hosilining salmoqli ulushi — 47 ming tonnasi aynan Mingbuloq tumani hissasiga to‘g‘ri keladi.
