G‘azo hududida faoliyat yuritayotgan fuqarolik mudofaa xizmatining maʼlum qilishicha, Isroil havo hujumlari natijasida kamida 29 nafar falastinlik halok bo‘lgan, ularning 6 nafari esa bolalardir. Qurbonlarning baʼzilari suv tarqatish punktida o‘ldirilgan.
Mazkur hujumlar bir haftadan beri Qatarda davom etayotgan Isroil va HAMAS muzokaralari boshi berk ko‘chaga kirgan bir paytda yuz berdi.
G‘azo fuqarolik mudofaasi vakili Mahmud Bassolning AFP axborot agentligiga ma’lum qilishicha, anklav 12—13-iyul kunlari bir necha marotaba havo hujumiga uchradi. Natijada sakkiz kishi, jumladan, ayollar va bolalar halok bo‘lgan. Shuningdek, u Nuseyrat qochqinlar lageri yaqiniga berilgan zarbada bir oiladan 10 kishi o‘ldirilganini ma’lum qildi.
Bassolning aytishicha, Isroil havo kuchlari Al-Mavasi hududida ko‘chirilgan aholi uchun tikilgan chodirga zarba berib, yana 3 kishining hayotiga zomin bo‘lgan.
Ayni paytda Isroil armiyasi G‘azo bo‘ylab bosqin harakatlarini yana intensivlashtirgan. Qatarda davom etayotgan sulh muzokaralari esa boshi berk ko‘chaga kirib qolgan.
