Ispaniyaning “Betis” klubi o‘zining Instagram sahifasida “Real” futbolchisi Vinisius Junior va qishda ijara asosida “Manchester Yunayted”dan jamoaga qo‘shilgan Antoni haqida post joyladi.
Ushbu suratda har ikki futbolchining 2025-yildagi statistikasi taqdim etilgan hamda izohiga quydagicha yozib qo‘yilgan:
2025-yil boshidan beri, ya’ni barcha davrlarning eng zo‘r futbolchisi Antoni (G.O.A.T, Great off all time) “Betis” safiga kelgandan so‘ng ikki futbolchi quyidagicha natija qayd etdi. Bizda “Oltin to‘p” uchun bitta da’vogar bor — Antoni, deya izoh qoldirilgan.
Ma’lumot uchun, Antoni qishki transfer oynasi vaqtida Angliyaning “Manchester Yunayted” klubidan “Betis”ga ijaraga o‘tdi. Uning sevilyaliklar bilan sharnomasi iyun oyida yakuniga yetadi. Futbolchi klub safida 20 uchrashuvda maydonga tushib, o‘z hisobiga 7 gol hamda 4 golli uzatma yozdirib qo‘ygan. Transfermarkt portali Antonining qiymatini 20 million yevro etib belgilagan.
Vinisius 2018-yilda “Real” safiga qo‘shilgan bo‘lib, joriy mavsum klub safida 49 uchrashuvda maydonga tushib, 20 gol hamda 14 assit muallifiga aylangan. Transfermarkt portali Vinining narxini 200 million yevroga baholagan.
