Toshkent viloyatining Bo‘stonliq tumanida 2 yoshli bola jarlikka tushib ketdi. Bu haqda FVV matbuot xizmati xabar berdi.
Maʼlum qilinishicha, Toshkent viloyati FVBga 10-aprel kuni soat 22:23 larda tumanning “Yakkatut” MFY hududida 2 yoshli bola yo‘qolib qolgani va o‘sha hududdagi jarlikka tushib ketganidan gumonlanib xabar berilgan.
Olib borilgan qidiruv-qutqaruv ishlari natijasida bola o‘sha hudud yaqinidagi jarlikning taxminan 25 metr bo‘lgan chuqurligidan topilgan.
Bola yuqoriga olib chiqilib, ota-onasiga sog‘-salomat topshirilgan. Hozirda bolaning ahvoli yaxshi.
27-mart kuni Qashqadaryoda qutqaruvchilar tomonidan lift ichida qulflanib qolgan bolalar sog‘-salomat qutqarilgan edi.
