Yevrokomissiya 4-aprel kuni O‘zbekistonda bo‘lib o‘tadigan “Yevropa ittifoqi—Markaziy Osiyo” sammitini Yevropa ittifoqining chet el hamkorlari bilan savdo aloqalarini xilma-xillashtirish strategiyasi doirasida AQSH bojxona to‘lovlariga Yevropaning javobi elementlaridan biri sifatida ko‘rmoqda. Bu haqda Yevrokomissiya rahbari Ursula fon der Lyayen Strasburgdagi Yevroparlament sessiyasida ma’lum qilgan.
“Bizning (AQSH tariflariga javob) strategiyamizning tarkibiy qismi savdoni xilma-xillashtirish bo‘ladi. Savdo biznes bor joyga yo‘naladi. Yevropa allaqachon 76 ta mamlakat bilan savdo bitimlariga ega va Yevropa ittifoqi bu tarmog‘ini kengaytirmoqda.
Yevropa kengashi raisi Antoniu Koshta va men shu hafta oxirida Samarqandga, Yevropa ittifoqi va Markaziy Osiyo davlatlari o‘rtasidagi ilk tarixiy sammitga yo‘l olamiz”, dedi u.
Avvalroq Yevropa ittifoqining tashqi ishlar va xavfsizlik siyosati bo‘yicha oliy vakili Kaya Kallas Rossiyaga qarshi sanksiyalar Markaziy Osiyo mamlakatlarining iqtisodiyotiga zarar yetkazayotgan bo‘lsa-da, ularni bu mintaqa orqali chetlab o‘tishiga yo‘l qo‘yib bo‘lmasligini bildirgandi.
