Butun dunyodagi musulmon o‘lkalarida bo‘lgani kabi, Afg‘onistonda ham hayit bayramiga tayyorgarlik avjida.
Bozorlar xaridorlar bilan gavjum. Turli shirinliklar, quruq va ho‘l mevalar, pishiriqlar sotuvchilarining qo‘li qo‘liga tegmaydi.
Shuningdek, hayit bayrami uchun yaqinlariga yangi libos izlab bozorga kelganlar ham ko‘pchilikni tashkil qiladi. Aholining xarid qobiliyati yuqori bo‘lmasa ham, bayram arafasida ahli oilasiga kengchilik qilish uchun ko‘pchilik anchadan beri yig‘ib yurgan pullari solingan tugunchalarni ochgan.
“Daryo” muxbiri Afg‘onistonda bayramga ko‘rilayotgan tayyorgarlik bo‘yicha reportaj tayyorladi.
