Angliya chempionatida o‘ynaydigan futbolchilarning transfer narxi yangilandi. O‘zbekiston terma jamoasi va “Manchester Siti” klubi futbolchisi Abduqodir Husanovning transfer summasi 3 barobar oshib, 35 million yevroga yetdi.
Futbolchining oldingi narxi 12 million yevro edi. U qishda Angliyaga ko‘chib o‘tgach, 8 ta uchrashuvda maydonga tushib, 1 marta raqib darvozasini ishg‘ol qildi. Shuningdek, himoyachi “shaharliklar” safida fevral oyining eng yaxshi futbolchisi deb e’tirof etildi.
Husanov shu tariqa O‘zbekiston terma jamoasi safida harakat qilgan eng qimmat futbolchi sifatida rekord o‘rnatdi. Bunga qayd etilgan natija Eldor Shomurodovga tegishli bo‘lib, u 2021-yil “Jenoa”dan “Roma”ga o‘tgach, 14 million yevroga baholangan edi.
Abduqodir Husanov hozirgi payt nafaqat O‘zbekiston terma jamoasi, balki Markaziy Osiyodagi eng qimmat futbolchi hisoblanadi.
Ma’lumot uchun, 20-mart kuni O‘zbekiston terma jamoasi Toshkentdagi “Bunyodkor” stadionida Qirg‘iz Respublikasiga qarshi maydonga tushadi, 25-martda esa Eronga qarshi o‘ynaydi
