Madridning “Real” klubining braziliyalik hujumchisi Vinisius Junior Ispaniya La Ligasining 12-turida “Valensiya”ga qarshi o‘yinda qizil kartochka olib, maydondan chetlatildi.
Mundo Deportivo’ning xabariga ko‘ra, futbolchini katta ehtimol bilan to‘rt o‘yinga diskvalifikatsiya qilinadi. Shunday bo‘lgan taqdirda, Vinisius Ispaniya Superkubogi yarim finali doirasidagi “Malyorka”ga qarshi o‘yinni va “Barselona” yoki Bilbaoning “Atletik” klubi bilan bo‘ladigan ehtimoliy finalni ham o‘tkazib yuborishi mumkin.
Ma’lum qilinishicha, Ispaniya chempionati reglamentiga ko‘ra, to‘p uchun kurashga urinishlarsiz agressiv xatti-harakatlar qilgani uchun futbolchi 4 tadan 12 tagacha o‘yinga diskvalifikatsiya qilinishi mumkin.
Ma’lumot uchun, “Real” 19 o‘yindan so‘ng 43 ochko bilan La Liga turnir jadvalida peshqadamlik qilmoqda.
Kecha, 3-yanvar kuni bo‘lib o‘tgan o‘yinda “Real” klubi avvaliga 1:0 hisobida ortda borayotgandi. “Valensiya” vakili Duro 27-daqiqada hisobni ochdi. 85-daqiqada Modrich hisobni tenglashtirdi. Bellingemning 90+5-daqiqada urgan goli “qirollik klubi”ning g‘alabasini ta’minladi.
Uchrashuvning 79-daqiqasida Vinisius maydondan chetlatildi.
