Fransiyalik futbolchi Kilian Mbappening “Real”da qancha ishlab topishi ma’lum bo‘ldi.
Mbappe madridliklar safida bonuslar bilan birga yiliga 36 million yevro maosh oladi. Bu haqida jurnalist Ramon Alvares de Mon o‘z X (sobiq Twitter) sahifasida ma’lum qildi.
Manbaning xabariga ko‘ra, “Qirollik klubi” Toni Kroos (taxminan 20 million yevro maosh olgan), Xoselu (2 million yevro) va Nacho Fernandes (10 million yevro) jamoani tark etganidan so‘ng o‘z ish haqida fondini kengaytirgan.
Shuningdek, 39 yoshli futbolchi Luka Modrich o‘tgan yozda klub bilan shartnomasini uzaytirish chog‘ida o‘z maoshini 24 milliondan 12 million yevroga tushirishga rozi bo‘lganligi tufayli, mablag‘larning bir qismi bo‘shab qolgan.
