May oyida Samarqandda maktab o‘quvchisi 30 yoshli erkak tomonidan “samosud” qilingani haqida xabar berilgandi.
16-may kuni Past Darg‘om tumani IIBga 2009-yilda tug‘ilgan B.S. tan jarohati olgani to‘g‘risida uning onasi J.I.dan ariza kelib tushgan.
Tergovga qadar tekshiruv davomida aniqlanishicha, voyaga yetmagan B.S. 20-maktabning 9-sinfida taʼlim olishi, u shu maktabning 6-sinf o‘quvchisi bo‘lgan qiz Q.A.ga sevishini aytgan. So‘ng qizning akasi A.Q. holatdan xabar topib, 15-may kuni bolani o‘z uyiga olib kirib, unga tan jarohati yetkazgan.
Bolalar ombudsmani matbuot xizmati holat yuzasidan qo‘shimcha maʼlumot berdi.
Qayd etilishicha, 29-iyul kuni Jinoyat ishlari bo‘yicha Past Darg‘om tuman sudida mazkur bolaga zo‘ravonlik holatiga oid jinoyat ishi sud muhokamasi ko‘rib chiqilib, A.Q. aybdor deb topilib, unga 1 yil 6 oy muddatga ozodlikdan mahrum qilish jazosi tayinlandi.
