Toshkent shahri Sergeli tumanidagi “Quruvchilar” dahasida Inter Logistics MCHJga qarashli omborxonada kuchli portlash sodir bo‘lgani to‘g‘risida xabar berilgandi. Toshkent shahar hokimi vazifasini bajaruvchi Shavkat Umurzoqovning ma’lum qilishicha, portlashda jabrlangan uy egalariga yetkazilgan zarar qoplanadi.
“Moddiy zarar 2-3 kun ichida qoplanadi, bu muammolarni hal qilamiz”, — deydi favqulodda hodisa joyiga yetib kelgan Umurzoqov.
Poytaxt hokimligi fuqaroga murojaat bilan chiqib, agar bugun tunda Sergeli tumanida ro‘y bergan hodisa yuzasidan savol yoki murojaatlar bo‘lsa, 71 210-01-63 raqami orqali Toshkent shahar hokimligi matbuot xizmatiga murojaat qilishni so‘radi. Avvalroq Toshkent hokimligi Sergelidagi portlash bo‘yicha vaziyat to‘liq nazoratga olinganini ma’lum qilgandi.
- Sog‘liqni saqlash vazirlining maʼlum qilishicha, portlash oqibatida jarohatlanganlar Respublika shoshilinch tibbiy yordam ilmiy markazi va uning Toshkent viloyati filialiga olib kelingan.
- Uzbekistan Airports ga ko‘ra, Toshkentdagi portlash poytaxt aeroporti faoliyatiga taʼsir qilmagan.
- Voqea poytaxt aeroporti faoliyatiga taʼsir ko‘rsatmagan, “Toshkent” xalqaro aeroporti cheklovlarsiz odatiy rejimda ishlamoqda.
Izoh (0)