Toshkent shahri Sergeli tumanidagi “Quruvchilar” dahasida Inter Logistics MCHJga qarashli omborxonada kuchli portlash sodir bo‘lgani to‘g‘risida xabar berilgandi. Toshkent shahar hokimligi holat yuzasidan ma’lumot berdi.
Qayd etilishicha, ushbu hodisa oqibatida jarohatlanganlarga tibbiy yordam ko‘rsatilmoqda.
“Hozirda vaziyat to‘liq nazoratga olingan. Yong‘in soat 05:02 da qurshab olingan. Tezkor harakatlar natijasida yong‘in maydoni qisqartirilib borilmoqda”, — deyiladi xabarda.
Voqea joyida dastlabki daqiqalardan boshlab FVV rahbariyati hamda kuch va vositalari, shuningdek, Toshkent shahar hokimligi, Sog‘liqni saqlash bosh boshqarmasi, Ichki ishlar organlari va boshqa tegishli tashkilotlar mutasaddilari hodisa joyida ish olib bormoqda. Shuningdek, yong‘in kelib chiqish sababini aniqlash choralari ko‘rilmoqda.
“Aziz hamshaharlar, aniq va ishonchli maʼlumotlarni faqat ishonchli manbalardan olishingizni va o‘zingizni ehtiyot qilishingizni so‘raymiz”, — deya ta’kidlanadi xabarda.
- Sog‘liqni saqlash vazirlining maʼlum qilishicha, portlash oqibatida jarohatlanganlar Respublika shoshilinch tibbiy yordam ilmiy markazi va uning Toshkent viloyati filialiga olib kelingan.
- Uzbekistan Airports’ga ko‘ra, Toshkentdagi portlash poytaxt aeroporti faoliyatiga taʼsir qilmagan.
- Voqea poytaxt aeroporti faoliyatiga taʼsir ko‘rsatmagan, “Toshkent” xalqaro aeroporti cheklovlarsiz odatiy rejimda ishlamoqda.
Izoh (0)