Serxio Ramosning uyiga o‘g‘ri tushdi. Bu vaqtda futbolchining o‘zi maydonda bo‘lgan

Noma’lum shaxslar Sevilya chetidagi Serxio Ramosning uyini talon-taroj qildi. 

Voqea 20-sentabr kuni, Chempionlar Ligasi doirasida “Sevilya” va “Lans” uchrashuvi (1:1) bo‘lib o‘tgan kunda sodir bo‘lgan.

Bosqinchilar uyga Ramosning to‘rt nafar farzandi va ikki nafar tarbiyachi bo‘lgan vaqtda kirib borgan. Futbolchining o‘zi maydonda, rafiqasi esa ish bilan shaharni tark etgandi. Bosqinchilar tomonidan yetkazilgan zarar miqdori aniqlanmagan, bolalar va tarbiyachilarga esa zarar yetmagan. 

Qayd etilishicha, bu Ramosning uyini o‘g‘irlash uchun bo‘lgan birinchi urinish emas. 2012-yilda ispaniyalik futbolchi va uning rafiqasi uyda bo‘lgan vaqtda bosqinchilar uyga bostirib kirgan. Biroq, jinoyatchilar uydan hech narsa olib ketolmagan.