Bollivud yulduzlari muxlislari to‘yiga mehmon sifatida tashrif buyurishi, qo‘shiq kuylab, raqsga ham tushishi mumkin. Buning uchun katta miqdorda pul to‘lansa kifoya. Shohrux Xondan tashqari, Ritik Roshan, Kangan Ranaut va Malayka Arora Xonlar ham yaxshi gonorar evaziga to‘ylarda xizmat qilishi mumkin.

 

 

Aktyor va aktrisalar o‘z qadrdonlari to‘yiga tashrif buyurgandek kulib chiqishlari, bir necha daqiqa ishtiroklari uchun qancha haq so‘raydi? Ushbu savolga quyida javob berib o‘tamiz​

Priyanka Chopra

 

 

Mahoratli va go‘zal aktrisa to‘yida ishtirok etishini istaganlar 100 ming dollar to‘lashi kerak bo‘lgan. Lekin Amerikaga kelin bo‘lganidan keyin aktrisa bu kabi marosimlarda ishtirok etmayapti.

Katrina Kaif​

 

 

 

Katrina Kaifni to‘yga mehmon sifatida chaqirish uchun esa 120 ming dollar to‘lanishi kerak.

Ritik Roshan​

 

 

 

Bollivud aktyorlari orasida maromiga yetkazib raqsga tusha olishi bilan ajralib turadigan Ritik Roshan to‘ydagi bir chiqishi uchun 130 ming dollar talab qiladi.

Salmon Xon​

 

 

Salmon Xon o‘ziga belgilagan narxdan uning o‘ziga bo‘lgan ishonchi yuqoriligini bilsa bo‘ladi. Aktyorning to‘yda ko‘rinish berishi uchun unga 260 ming dollar to‘lanishi kerak.

Shohrux Xon ​

 

 

 

Bollivud qiroli Shohrux Xon “eng qimmat” mehmon hisoblanadi, yoshlar to‘yiga aktyor tashrif buyurishi uchun 400 ming dollar sarflashiga to‘g‘ri keladi. Lekin bu hammasi emas, BAAda yashovchi juftlik Shoxrux Xonning to‘ydagi ishtiroki uchun bir million dollar to‘lagan.

Kangana Ranaut

 

 

Kangana Ranaut to‘yda qatnashishi uchun boshqalarga qaraganda kam — 60 ming dollar so‘raydi. Ranbir Kapur 130 ming dollar berilsagina, ishtiroki bilan muxlislarni xushnud qiladi.

Ammo Karina Kapur, Jon Abraham, Sonam Kapur va Shahid Kapurlar esa qancha pul taklif qilinishidan qat’i nazar, to‘y, tug‘ilgan kun va ziyofatlarda ishtirok etmaydi.