Nodavlat notijorat tashkilotlari va O‘zbekiston biznes tuzilmalari Ukrainaga 10,5 tonna gumanitar yordam jo‘natdi. Bu haqda Ukrainaning O‘zbekistondagi elchisi Nikolay Doroshenko Facebook’dagi sahifasida ma’lum qildi.
![](/static/2023/zulfiya/photo_2023-08-18_23-15-22 (2).jpg)
Gumanitar yordam allaqachon Lvov viloyatining Drogobitskiy tumani ma’muriyati, Ijtimoiy siyosat bo‘limi va Lvov viloyati maxsus tibbiy yordam bo‘yicha kengashiga topshirilgan.
![](/static/2023/zulfiya/photo_2023-08-18_23-15-05.jpg)
Ukrainaga jami 785 844 grivnaga (taxminan 21 282 dollar) qishki poyabzal, sport, bolalar va ayollar kiyimlari yuborilgan. Shuningdek, umumiy qiymati 157 771 grivna (taxminan 4 273 dollar) bo‘lgan tibbiy shprislar, tibbiy paxta va infuzion tizimlar jo‘natilgan.
![](/static/2023/zulfiya/photo_2023-08-18_23-15-07.jpg)
![](/static/2023/zulfiya/photo_2023-08-18_23-15-03.jpg)
Ukrainaning O‘zbekistondagi elchisi gumanitar aksiya ishtirokchilariga samimiy minnatdorlik bildirgan.
![](/static/2023/zulfiya/photo_2023-08-18_23-15-08.jpg)
Ukrainalik bolalar dam olish va reabilitatsiya uchun O‘zbekistonga keldi
O‘zbekistonga Ukrainadan dam olish va reabilitatsiya uchun 45 nafar bola hamda besh nafar hamrohlik qiluvchi guruh yetib kelgan.
![](/static/2023/zulfiya/photo_2023-08-18_23-24-38.jpg)
Xarkov, Xerson, Nikolayev, Zaporojye, Sumi, Xmelniskiy, Lvov va Kiyevdan kelgan bolalar 12 kun davomida “Anor” tog‘ oromgohida dam oladi.
![](/static/2023/zulfiya/photo_2023-08-18_23-24-40.jpg)
Ma’lumotlarga ko‘ra, hozirda Yevropa Ittifoqi davlatlarida vaqtinchalik himoya maqomini olgan Ukrainadan kelgan 4 milliondan ortiq qochqin bor. Iyun oyida ularning soni qariyb 46 ming kishiga ko‘paydi, bu may oyiga nisbatan 1,1 foizga ko‘pdir.