O‘zbekistonga Ukrainadan dam olish va reabilitatsiya uchun 45 bola hamda besh nafar hamrohlik qiluvchi guruh O‘zbekistonga yetib keldi. Bu haqda mamlakatning Toshkentdagi elchisi Nikolay Doroshenko o‘zining Facebook’dagi sahifasi orqali ma’lum qildi.
Xarkov, Xerson, Nikolayev, Zaporojye, Sumi, Xmelniskiy, Lvov va Kiyevdan kelgan bolalar 12 kun davomida “Anor” tog‘ oromgohida dam oladi.
“Milliy anʼanalar asosidagi qabul taʼsirli va samimiy tarzda o‘tdi”, — deb yozadi ukrainalik diplomat.
Shu bilan birga, u Ukraina shaharlariga amalga oshirilayotgan havo trevogalari va raketa hujumlarini unutishga yordam berish haqidagi murojaatini javobsiz qoldirmagan O‘zbekiston biznes va jamoat tashkilotlari vakillariga rahmat aytgan.
“Ishonchim komilki bolalar O‘zbekistonda bo‘lgan vaqtida o‘zbek xalqining madaniyati va an’analari bilan tanishadi”, — deydi u.
Ma’lumotlarga ko‘ra, hozirda Yevropa Ittifoqi davlatlarida vaqtinchalik himoya maqomini olgan Ukrainadan kelgan 4 milliondan ortiq qochqin bor. Iyun oyida ularning soni qariyb 46 ming kishiga ko‘paydi, bu may oyiga nisbatan 1,1 foizga ko‘pdir.
Izoh (0)