Qashqadaryo viloyatining Shahrisabz shahrida Captiva va Damas ishtirokida YTH sodir bo‘ldi, deb xabar beradi viloyati FVB axborot xizmati.
Qayd etilishicha, 12-aprel kuni soat taxminan 11:40 lar atrofida Shahrisabz shahar Ipak yo‘li va Bahodir Tarag‘ay ko‘chalari chorrahasida Captiva va Damas rusumli avtomobillar ishtirokida yo‘l transport hodisasi sodir bo‘lgan, natijada Captiva rusumli avtomashinada yong‘in chiqqan.
Yong‘in bo‘yicha xabar soat 11:47 lar atrofida Shahrisabz shahar FVB ga kelib tushgan, 1 ta qutqaruv bo‘linmasi soat 11:50 larda yetib borib, yong‘inni 11:57 da to‘liq bartaraf etgan.
Yong‘in oqibatida avtoulovning old qismi zarar ko‘rgan. To‘qnashuv va yong‘in sabab hech kim tan jarohati olmagan.
Ta’kidlanishicha, holat yuzasidan tegishli soha vakillari tomonidan surishtiruv jarayonlari boshlangan.
Avvalroq Samarqandda yonilg‘i sig‘imi 20 tonna bo‘lgan yuk mashinasi yonib ketgani, Andijonda yo‘l chetida turgan Nexia’da yong‘in chiqqani, Qamchiq dovonida lak-bo‘yoq ortilgan yuk mashinasi yonib ketishi oqibatida bir necha kishi jabrlangani to‘g‘risida xabar berilgandi.
Izoh (0)