Prezident farmoni bilan 2022–2026-yillarga mo‘ljallangan Yangi O‘zbekistonning taraqqiyot strategiyasini “Insonga e’tibor va sifatli ta’lim yili”da amalga oshirishga oid davlat dasturi tasdiqlandi.
Hujjat bilan 2023/2024-o‘quv yilidan boshlab respublikaning barcha viloyatlari va Toshkent shahrida boshlang‘ich sinf o‘quvchilarini bepul ovqat bilan ta’minlashni yo‘lga qo‘yish tasdiqlandi.
Bunda, ovqat turlari o‘quvchilarning yoshi va sog‘lig‘i holatiga ko‘ra me’yorlangan holda yetkazib berilishi hamda sanitariya talablariga javob berishi ta’minlanadi.
Eslatib o‘tamiz, maktab o‘quvchilarini bepul ovqat bilan ta’minlash tizimi dastlab Qoraqalpog‘iston va Xorazm viloyatida 2022-yil 1-aprelidan joriy etilgan. Shavkat Mirziyoyev 2022-yil 20-dekabr kuni Oliy Majlisga murojaatnomasida kelasi o‘quv yilidan ushbu amaliyot qolgan viloyatlar va Toshkent shahri maktablarida ham joriy etilishi va buning uchun 2,3 trillion so‘m ajratilishini ma’lum qilgandi.
Avvalroq Qoraqalpog‘istondagi ayrim maktablarda o‘quvchilarga sifatsiz oziq-ovqat mahsulotlari berilgani aniqlangandi. Xususan, bolalarga berilayotgan oziq-ovqat mahsulotlari belgilangan meʼyorga javob bermasligi, shuningdek, ichimlik suvi bilan taʼminlanmagani, issiq choy bilan taʼminlash uchun esa sharoit to‘liq yaratilmagani maʼlum bo‘lgan edi.
Izoh (3)
Ёки бизгача етиб келмаябдими
Откат беришмаябдику
Zoʻr! Lekin maktabida oshxona boʻlmagan oʻquvchilar nima qiladi? Sinf xonalari yetishmay abetdan keyin oʻqishga majbur boʻlayotganlar, oshxonani ham oʻquvchilarga sinf xona qilib bergan maktablar qayerda ovqatlanadi. Dars xonadami????? Avval maktablarni sozlasa durust boʻlarmidi?