Serdar Berdimuhamedov “Turkmanistonning mohir diplomati” ko‘krak nishoni bilan taqdirlandi

Turkmaniston prezidenti Serdar Berdimuhamedovga “Turkmanistonning mohir diplomati” ko‘krak nishoni topshirildi. Bu haqda Arzuw news xabar berdi.

Prezidentni mukofotlash qarori Turkmaniston Milliy Gengesh Mejlisi (parlamenti) tomonidan qabul qilingan.  Hujjatga ko‘ra, xalq maslahati (parlament yuqori palatasi) raisi lavozimini ham egallab turgan prezident Turkmaniston mustaqilligi va betarafligini mustahkamlashga, tinchliksevar tashqi siyosatga, davlat manfaatlarini himoya qilishga qo‘shgan hissasi uchun mukofotlangan.

“Turkmanistonning mohir diplomati” nishoni 2021-yil fevral oyida ta’sis etilgan. Ushbu belgi Turkmaniston diplomatik xizmati xodimlariga mamlakatning betaraf tashqi siyosatini amalga oshirish, xorijiy davlatlar bilan turli sohalarda munosabatlarni rivojlantirish, davlat va fuqarolarning manfaati, huquqini himoya qilishga qo‘shgan shaxsiy hissasi uchun beriladi.

Ma’lumot o‘rnida, noyabr oyida Rossiya prezidenti Gurbanguli Berdimuhamedovga “Vatan oldidagi xizmatlari uchun” ordenini topshirgandi.