Bugun,

  • USD 11095.31
  • RUB 173.84
  • EUR 10772.44

Oxirgi uch oyda O‘zbekistonda bananning o‘rtacha ulgurji narxi bir yarim barobar oshdi va joriy ulgurji narxlar o‘tgan yilgi darajadan deyarli uchdan bir baravar yuqori. Bu haqda EastFruit xabar bermoqda.

Foto: “Daryo” / Dilruh Isomiddinova

Foto: “Daryo” / Dilruh Isomiddinova

Narxlarning bunday dinamikasi O‘zbekistonda ketma-ket ikkinchi yil kuzatilayotgan ushbu meva iste’molining yuqori o‘sish sur’atlarini sekinlashtirishi mumkin, — deydi EastFruit tahlilchilari.

O‘zbekistonda 2022-yil yanvar oyi boshidan avgust oyi oxirigacha bananning o‘rtacha ulgurji narxi ikki haftalik qisqa davrni hisobga olmaganda kilogrammi uchun 14 ming so‘mdan 18 ming so‘mgacha bo‘lgan.

Biroq sentabr oyining boshidan beri ulgurji banan narxlari dinamikasida barqaror o‘sish tendensiyasi shakllandi.

EastFruit narxlari monitoringiga ko‘ra, 2022-yil 2-sentabrdan 2-dekabrgacha bo‘lgan davrda O‘zbekistonda bananning o‘rtacha ulgurji narxi kilogrammi uchun 14 ming so‘mdan 21 ming so‘mga, ya’ni roppa-rosa 50 foizga oshgan.

Foto: EastFruit

Foto: EastFruit

Yil yakunlariga ko‘ra, O‘zbekistonda bananning o‘rtacha ulgurji narxlari o‘tgan yilgi darajadan ancha past bo‘lgan.

Ammo sentabr—noyabr oylarida ulgurji narxlarning ko‘p yo‘nalishli dinamikasi natijasida joriy yildagi ulgurji narxlar bilan o‘tgan yilgilari o‘rtasidagi tafovut nafaqat qisqardi, balki o‘sishni ham boshladi.

2022-yil 2-dekabr holatiga ko‘ra, ushbu mevaning o‘rtacha ulgurji narxi o‘tgan yilning shu davriga nisbatan 31 foizga yuqori.

2022-yilning yanvar oyi boshidan oktabr oyi oxirigacha bo‘lgan davrda mamlakatga 112,3 ming tonna banan import qilingan. Bu o‘tgan yilning shu davriga nisbatan 1,9 barobar ko‘p.

Biroq so‘nggi uch oyda kuzatilgan dinamika va banan narxining joriy darajasi O‘zbekistonda banan iste’moli o‘sish sur’atlarining sezilarli darajada pasayishiga olib kelishi mumkin.

Avvalroq O‘zbekiston to‘rt oydan beri faqat bir davlatdan banan sotib olayotgani haqida xabar berilgandi.

Izoh
Asosiy yangiliklar
Mahalliy
Ota bolasini, aka ukasini tanimaydi, chang-to‘zon, terlab-pishib har kim uloqni taqimiga bosish qayg‘usida” — Piskentdagi koʻpkaridan fotoreportaj
Mahalliy
O‘rta Chirchiqda 400 nafar o‘quvchi maktab binosi olib qo‘yilgani sabab darsga borolmayotgani xabar berildi. Zoir Mirzayev holatga eʼtibor qaratdi
Mahalliy
Turkiyadagi dahshatli zilzilada 3 419 kishi halok boʻldi — voqea tafsilotlari (video)