Bugun,

  • USD 11095.31
  • RUB 173.84
  • EUR 10772.44

Jahon estradasi yulduzi Selin Dionga kam uchraydigan bedavo kasallik – rigidlik sindromi tashxisi qo‘yildi. Bu haqda xonanda Instagram’dagi sahifasida so‘zlab berdi.

Foto: Pinterest

Foto: Pinterest

54 yoshli xonandaning so‘zlariga ko‘ra, u endi qo‘shiq kuylay olmaydi. Chunki unda doimo mushaklar og‘rig‘i kuzatiladi. Bu esa kelajakda nafaqat xonandalik, balki kundalik faoliyatni amalga oshirishga ham to‘sqinlik qilishi mumkin. Masalan, yurish, mashina haydash va hatto ovqatlanish kabi.

“Yaqinda menda juda kam uchraydigan rigidlik sindromi deb ataluvchi nevrologik kasallik aniqlandi. Ushbu kasallik milliondan bir kishida kuzatiladi.

Xastalik haqida endi ma’lumotga ega bo‘layotgan bo‘lsak-da, mendagi spazmlarni aynan u keltirib chiqarayotganidan xabar topdik. Afsuski, ushbu spazmlar kundalik hayotimning har bir aspektiga ta’sir ko‘rsatadi. Ba’zan og‘riqlar tufayli yura olmayapman yoki ular ovoz mushaklarimga zarar yetkazib, qo‘shiq aytishimga xalaqit bermoqda.

Shu munosabat bilan sizlarga Yevropa bo‘ylab fevral oyiga rejalashtirilgan gastrollarimni o‘tkaza olmasligimni iztirob bilan ma’lum qilaman.

Yana sizlar bilan aloqaga chiqa olishim uchun ayni paytda bor e’tiborimni sog‘lig‘imga qaratishdan boshqa ilojim yo‘q. Umid qilamanki, men tuzalishga eltadigan yo‘ldaman. Bu mening maqsadim hamda kuch-quvvatga kirish uchun qo‘limdan kelgan barcha ishni qilaman”, — deydi 54 yoshli xonanda.

Izoh
Asosiy yangiliklar
Dunyo
Oxirgi 100 yil ichida sodir bo‘lgan dunyodagi eng kuchli 10 ta zilzila (video+foto)
Dunyo
Polsha bosh vaziri Ukrainadagi urush uchinchi jahon urushiga aylanishini prognoz qildi
Mahalliy
O‘zbekistonda dollar kursi yana oshdi