Andijon viloyatida bojxonachilar noqonuniy olib kirilayotgan 3,7 milliard so‘mlik tovarlarni to‘xtatib qoldi. Bu haqda Davlat bojxona qo‘mitasi axborot xizmati xabar bermoqda.
Qayd etilishicha, Andijon viloyati bojxona boshqarmasi “Do‘stlik” chegara bojxona postiga kirib kelgan fuqaro N.M. boshqaruvidagi Volvo yuk avtoulovi o‘rnatilgan tartibda bojxona nazoratidan o‘tkazildi.
Natijada avtomashinada tegishli hujjatlari bo‘lmagan hamda sifati kafolatlanmagan, umumiy qiymati 3 milliard 714 million so‘mlik 22 dona reklama banneri, 2 000 dona telefon akkumulyatori, 34 000 dona kanselyariya tovarlari, 6 000 dona termos, 341 301 dona tibbiyot vositalari borligi aniqlandi.
Hozirda yuqoridagi holat yuzasidan bojxona organlari tomonidan surishtiruv harakatlari davom ettirilmoqda.
Izoh (0)