“Uydagilarga yetkazsangiz, battar bo‘ladi”. Toshkentdagi xususiy maktabda o‘quvchilar kaltaklab kelingani aytilmoqda (video)

Toshkent shahridagi xususiy maktabda o‘quvchilarga kuch ishlatilgani aytilmoqda. Bu bo‘yicha deputat Rasul Kusherbayevga murojaat kelib tushdi.

Murojaatchining ma’lum qilishicha, hodisa “Pifagor” Qorako‘l xususiy maktabining Toshkent shahri “Novza” metrosi filialida sodir bo‘lgan. Videodagi tasvirlarda esa 5-“A” sinfining xonasi aks etgan.

O‘quvchilarni doimiy ravishda shu tarzda urib kelishgan, “uydagilarga yetkazsangiz, battar bo‘ladi” degan ma’noda qo‘rqitishgan. Shu sinf matematika o‘qituvchisi va kuratori o‘quvchilar bilan doimiy ravishda qo‘pol muomalada bo‘lishgan, kaltaklab kelishgan. Aynan mana shu sinfning sentabrdan hozirgi kungacha barcha videotasvirlarini o‘rganib chiqishlarini so‘rardim. Chunki ushbu videodan keyin mening bolam ham ko‘p kaltak yeganini aytdi. Iltimos, tegishli organlar bu holatni o‘rganib berishsin, — deyiladi murojaatda.

Mavzuga doir:

• Buxorodagi maktabda o‘qituvchi sinfdagi deyarli barcha o‘quvchilarni urdi (video)
• Yangiyo‘lda o‘qituvchi o‘quvchilarni kaltaklagani va haqorat qilgani aks etgan video tarqaldi