Bugun,

  • USD 11095.31
  • RUB 173.84
  • EUR 10772.44

Markaziy bank tomonidan bir nechta banklarga ularning faoliyati bilan bog‘liq masalalarni o‘rganib chiqish va zaruriy choralarni ko‘rish yuzasidan 31 ta ko‘rsatma xatlar yuborildi. Bu haqda Markaziy bank matbuot kotibi xabar bermoqda.

Foto: “Daryo” / Madina Nurman
Qayd etilishicha, joriy yilning iyul—sentabr oylarida:
  • karta hisobvarag‘idan pul mablag‘i yechilgan bo‘lsa-da, bankomat naqd pul bermagani; nafaqa pulini bank kartasi orqali olish bo‘yicha muammoga duch kelinayotgani;
  • mobil ilova orqali o‘tkazilgan pul mablag‘i oluvchilarning karta hisob raqamiga tushmagani; kredit to‘lovlari to‘liq to‘langan bo‘lsa-da, karta hisobvarag‘idan kredit uchun to‘lov yechilgani;
  • bank xodimlari tomonidan fuqaro uchun notanish bo‘lgan kredit bo‘yicha kafil ekani to‘g‘risida qo‘ng‘iroqlar bo‘layotgani;
  • bankning mobil ilovasi orqali konvertatsiya qilingan hamda boshqa kartaga o‘tkazilgan mablag‘ ko‘rinmayotgani;
  • kreditni muddatidan oldin so‘ndirgani uchun keshbek taqdim etilmayotganli kabi holatlar yuzasidan ijtimoiy tarmoqlarda xabarlar joylashtirilgan.a
Mazkur holatlardan kelib chiqib:
  • “Anorbank”;
  • “Davrbank”,
  • “Universalbank”,
  • “Hamkorbank”,
  • “Tenge bank”,
  • “Xalq banki”,
  • “Ipak yo‘li banki”,
  • “Infinbank”,
  • “Turonbank”,
  • “Qishloq qurilish bank”,
  • “Milliy bank”,
  • “Kapitalbank”,
  • “Sanoatqurilishbank”,
  • “Aloqabank”,
  • “Aziya Alyans bank”lariga
zaruriy choralarni ko‘rish uchun 31 ta ko‘rsatma xatlar yuborilgan.
Ushbu ko‘rsatmalarga asosan banklar tomonidan xabarlar o‘rganib chiqildi va aniqlangan kamchiliklar bartaraf etildi, — deyiladi xabarda.
Ta’kidlanishicha, bu haqda o‘rnatilgan tartibda iste’molchilarga xabar berildi va ayrim banklar tomonidan bu to‘g‘risida ijtimoiy tarmoqlardagi rasmiy sahifalari hamda saytlari orqali iste’molchilarga tegishli tushuntirishlar berildi.

Izoh
Asosiy yangiliklar
Mahalliy
Shavkat Mirziyoyev akademik Abdumavlon Abdullayev vafoti munosabati bilan hamdardlik bildirdi
Dunyo
YI Rossiya tomonidan bosib olingan Ukraina va Gruziya hududlarida berilgan pasportlarni tan olmaydi
Kino
“Ratatuy”, “Boshqotirma”, “Koko siri” — bolalar qolib, kattalar ham sevib tomosha qiladigan Pixar multfilmlari (video)