Bugun,

  • USD 11014.01
  • RUB 191.8
  • EUR 10674.78

Oxirgi ikki hafta ichida O‘zbekistonda tarvuzning o‘rtacha ulgurji narxi 50 foizga oshdi va bu o‘tgan yilgi ko‘rsatkichdan 67 foizga yuqori. Bu haqda EastFruit xabar bermoqda.

Foto: “Daryo” / Madina Nurman

Foto: “Daryo” / Madina Nurman

Bozor ishtirokchilari ushbu mahsulotlarni ichki bozorga yetkazib berish qisqargani, bunga qisman joriy yilning iyul oyida jazirama to‘lqinining salbiy ta’siri sabab bo‘lganini ma’lum qilmoqda.

EastFruit narxlari monitoringiga ko‘ra, 2022-yil 29-iyuldan 12-avgustgacha bo‘lgan davrda O‘zbekistonda tarvuzning o‘rtacha ulgurji narxi bir yarim barobar oshdi (1 000 dan 1500 so‘mgacha/kg).

Shu bilan birga, tarvuzning o‘rtacha ulgurji narxi 2021-yilning shu sanasiga nisbatan 67 foizga, 2019-yilning shu sanasiga nisbatan esa 2 baravardan ortiqroqdir.

 

Joriy mavsumda O‘zbekistondan tarvuz eksport qilish hajmi kamida so‘nggi besh yil ichida rekord ko‘rsatkich bo‘lgan bo‘lsa-da, narxlarning bu qadar ko‘tarilishida tashqi bozor omili ahamiyatsiz.

Joriy tarvuz eksporti mavsumi may oyining ikkinchi yarmida boshlangan bo‘lib, uch oydan bir oz kamroq vaqtda 77 ming tonna tarvuz eksport qilingan.

Bu 2021-yilning shu davriga nisbatan 1,8 barobar va 2020-yilning shu davriga nisbatan 9 barobar ko‘pdir.

O‘tgan ikki haftada tashqi bozorga 2,8 ming tonna tarvuz jo‘natildi, bu eksport mavsumi boshlangandan buyon uch oy davomida umumiy hajmning 3,6 foizini tashkil etadi.

Avvalroq O‘zbekiston 16,4 mln AQSH dollariga teng qovun va tarvuz eksport qilgani haqida xabar berilgandi.

Izoh
Asosiy yangiliklar
Madaniyat
“Hayot bizni sinovga tashladi”. Sobiq “Ummon” guruhining xonandasi Jasur Rafiqovning saratonga chalingani aytilmoqda
Dunyo
Rossiyada safarbarlikdan bosh tortish bo‘yicha birinchi jinoyat ishi qo‘zg‘atildi
Mahalliy
“Nomi Сity, yashash tarzimiz esa qishloqdagi uylardan battar”. Qarshi Сity’da yashovchi aholi ko‘p qavatli uydagi muammolar haqida (video)