Bugun,

  • USD 11014.01
  • RUB 191.8
  • EUR 10674.78

Bir davlat organida yaqin qarindoshlar ishlashi va yuqori lavozimlarni egallashi cheklanadi. Bu haqda 8-avgust kuni prezident imzolagan “Davlat fuqarolik xizmati to‘g‘risida”gi qonunning 13-moddasida belgilangan. Kecha, 9-avgust kuni AOKAda bo‘lib o‘tgan matbuot anjumanida Davlat xizmatini rivojlantirish agentligi direktorining birinchi o‘rinbosari Otabek Hasanov mazkur modda to‘g‘risida gapirdi.

Foto: “Daryo”

Foto: “Daryo”

Qonnuning ushbu moddasida davlat xizmatchilariga bir qator cheklovlar qo‘yilgan. Ulardan biri – qarindosh-urug‘chilik bilan bog‘liq banddir.

Otabek Hasanovning aytishicha, qonun bilan bir davlat tashkilotida yaqin qarindoshlarning birga ishlashi va yuqori lavozimlarga tayinlanishi man etiladi.

“Qonunda o‘zaro yaqin qarindoshlar aynan bitta davlat organida birga xizmat qilishi, birga xizmat qilish jarayonida ulardan birining ikkinchisiga bevosita bo‘ysunishiga cheklov qo‘yilyapti. Oddiy misol, siz davlat tashkilotida departament rahbari bo‘lsangiz, tug‘ishgan ukangiz qo‘lingizda bosh mutaxassis bo‘lib ishlashi mumkin emas. Lekin Konstitutsiyaga ko‘ra, umumiy tashkilotda ishlash huquqiga ega. Hujjatda to‘g‘ridan to‘g‘ri sizning rahbarligingizdagi yaqin qarindoshlaringiz ishlashi mumkin emasligi aniq cheklov bilan belgilab qo‘yilyapti”, – dedi agentlik rasmiysi.

Qonunda yaqin qarindoshlar toifasiga ota-onalar, aka-ukalar, opa-singillar va farzandlar kiritilgan. Shu bilan birga, er-xotinga quda tomondan qarindosh bo‘lgan shaxslar, xususan, ota-onalar, aka-ukalar, opa-singillar, o‘g‘illar va qizlar kiritilgan.

Otabek Hasanovning ta’kidlashicha, qonun kuchga kirgach, bir davlat tashkilotida ishlayotgan yaqin qarindoshlar rotatsiya qilinadi.

“Qonun 3 oydan keyin kuchga kiradi. Shu muddat mobaynida biz to‘g‘ridan to‘g‘ri ushbu kategoriyada ishlayotgan odamlarni aniqlaymiz. Rotatsiya degan modda bor. Ularga rotatsiya tizimi joriy etiladi”, – dedi u.

Avvalroq Otabek Hasanov davlat tashkilotlarida bo‘sh ish o‘rinlariga talab 50 baravarga ortganini ma’lum qilgandi.

Izoh
Asosiy yangiliklar
Dunyo
Kreml Putin tug‘ilgan kunini qanday nishonlamoqchiligini ma’lum qildi
Sport
Superligada sentabr oyining eng yaxshi murabbiyi aniqlandi
Mahalliy
Farg‘onada 64 yoshli qaynota kelinini o‘ldirib, marhumaning boshini uzib oldi