Andijonda kuchli ta’sir qiluvchi dori vositalarini sotgan shaxslar ushlandi

Ulug‘nor tumanida kuchli ta’sir qiluvchi dori vositalarini muomalaga kiritilishining oldi olindi.

Bosh prokuratura huzuridagi departamentning Ulug‘nor tuman bo‘limi tomonidan o‘tkazilgan tezkor tadbirda, fuqaro R.A. va boshqalar o‘zaro til biriktirib, tarkibida kuchli ta’sir qiluvchi moddalar mavjud bo‘lgan 840 dona “Ilko regapen” va 140 dona “Tropikamid” nomli dori vositalarini fuqaro S.ga 20,6 mln so‘mga sotgan vaqtida ushlanib, jami 2 772 dona “Ilko regapen” hamda 145 dona “Tropikamid” nomli dori vositalari borligi aniqlanib, ashyoviy dalil sifatida olingan.

Mazkur holat yuzasidan Jinoyat kodeksining 251-1-moddasi (kuchli ta’sir qiluvchi yoki zaharli moddalarni qonunga xilof ravishda muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.