O‘zbekiston TIV Buyuk Britaniyadagi Ozarbayjon elchixonasiga uyushtirilgan hujum yuzasidan bayonot berdi
O‘zbekiston Respublikasi Tashqi ishlar vazirligi Ozarbayjon Respublikasining Buyuk Britaniyadagi elchixonasiga hujum uyushtirilgani munosabati bilan bayonot berdi.
“O‘zbekiston Respublikasi Tashqi ishlar vazirligi 2022-yil 4-avgust kuni Ozarbayjon Respublikasining Buyuk Britaniya va Shimoliy Irlandiya Birlashgan Qirolligidagi Elchixonasiga g'arazli maqsadda uyushtirilgan hujumni qat'iy qoralaydi.
Diplomatik vakolatxonalar xodimlarining hayoti va salomatligiga tahdid soladigan har qanday xatti-harakatlarni mutlaqo qabul qilib bo‘lmaydi, deb hisoblaymiz.
Hodisani har tomonlama tekshirish va barcha aloqadorlarni javobgarlikka tortishga chaqiramiz.
O‘zbekiston tomoni qardosh Ozarbayjonni xorijdagi fuqarolarining xavfsizligi va himoyasini ta’minlashda qo‘llab-quvvatlashini bildiradi”, — deyiladi xabarda.
