Sirdaryoda qidiruvga berilgan Lacetti qo‘lga olindi

Sirdaryo viloyatida qidiruvga berilgan avtomashina qo‘lga olindi.

Sirdaryo viloyat Davlat soliq inspeksiyasi tomonidan 2022-yil 11-aprelda qarzdor “Qobil bobo” fermer xo‘jaligidan undiruvchi davlat foydasiga 10 358 284 so‘m soliq va boshqa majburiy to‘lovlarni undirish belgilangan.

Mazkur ijro hujjati Majburiy ijro byurosining Sirdaryo tuman bo‘limi ish yurituviga kelib tushgan. Soliq qarzi vaqtida to‘lanmagani sababli, ijro ishi doirasida qarzdorga tegishli bo‘lgan Lacetti avtotransport vositasiga nisbatan 2022-yil 11-aprelda qidiruv e’lon qilingan.

Olib borilgan qidiruv harakatlari davomida, qarzdorga tegishli Lacetti rusumli avtotransport vositasi, boshqarmaning qidiruv sho‘basi xodimlari va Sirdaryo viloyat IIB YHXB xodimlari bilan hamkorlikda o‘tkazilgan tezkor qidiruv tadbirida Guliston shahridan ushlanib, YPX maskaniga olib borildi hamda qidiruv harakatlari tugatildi.