19-iyul kuni Toshkentda yangi “GAP” — IT sohada ayollar klubi loyihasi ishga tushirildi. Bu haqda IT Park xabar bermoqda.
Ushbu loyihaning maqsadi — ayollarni axborot texnologiyalari sohasiga jalb qilish.
Klubning asosiy vazifasi – ayollarni qo‘llab-quvvatlash, ularning IT sohasidagi savodxonligini oshirish hamda ularni IT sohasida o‘qitish va ishga joylashtirish imkoniyatini yaratishdan iborat.
Klub tashabbuskorlarining maqsadi — IT-sohasida ayollarning tanqisligi muammosini hal qilish, IT kasblarini ayollar va yosh qizlar uchun ochiq va qiziqarli qilish, shu orqali IT sohasidagi gender tafovutini kamaytirishdan iborat.
Klubda muntazam ravishda rasmiy va norasmiy tadbirlar o‘tkaziladi:
- Rasmiy — spikerlarning chiqishlari, taqdimotlar, muhokamalar. Buning uchun klub o‘z g‘oyalarini muvaffaqiyatli loyihalarga aylantirgan ayollarni mehmon sifatida taklif qiladi.
- Norasmiy — dastur har safar yangilanadi: bu filmlarni tomosha qilish, kvest yoki sport tadbirlari bo‘lishi mumkin.
Klubda ishtirok etish ayollarga katta afzalliklar taqdim etadi. Masalan, ayollarni AKT sohasida o‘qitish va rivojlantirish kelajakda ularga yuqori maoshli ish topish imkonini beradi.
Bu, ayniqsa, o‘zlariga qulay jadvalda ishlashni orzu qilgan ayollar va frilanserlar uchun aktual. Bundan tashqari, bu har bir ayolning o‘z puliga ega bo‘lishiga va moliyaviy jihatdan mustaqil bo‘lishiga imkon beradi.
Kelgusida klubni ayollar uchun muloqot maydoniga aylantirish rejalashtirilgan, unda ishtirokchilar o‘zaro fikr almashishlari, netvorkingni kuchaytirishlari va o‘zaro hamkorlik qilish uchun hamfikrlarni topishlari mumkin.
Avvalroq qizlar uchun Skills4Girls trening dasturi ishga tushirilgani haqida xabar berilgandi.
Izoh (0)