Namangan viloyati Mingbuloq tumanida somon ortilgan yuk mashinasi yonib ketdi. Bu haqda Namangan viloyati FVB matbuot xizmati xabar berdi.
Ma’lum qilinishicha, 320 dona prestlangan somonlarini ortilgan Mercedes-Benz 817 28-iyun kuni soat 11:13 da tumanning “Qo‘g‘aliko‘l” MFY hududida harakatlanib ketayotganida mahalliy elektr simlariga tegib ketish natijasida yong‘in sodir bo‘lgan.
Yong‘in oqibatida transport vostitasi bilan birga 200 dona prestlangan somonlar yonib ketgan.
Hozirda sodir bo‘lgan yong‘in yuzasidan surushtiruv ishlari olib borilmoqda.
Shu kabi holat 10-iyun Samarqand viloyatining Urgut tumanida ham sodir bo‘lgandi. Me’yoridan ortiq somon ortilgan “ZIL” yuk mashinasi elektr simlariga tegib ketishi oqibatida yong‘in yuzaga kelgandi.
