Andijonda Spark bilan to‘qnashgan Labo ag‘darilib ketdi (video)

Andijon viloyati Shahrixon tumanida 27-aprel kuni Spark va Labo avtomobillari o‘rtasida to‘qnashuv sodir bo‘ldi. Bu haqda Yo‘l harakati xavfsizligi xizmati xabar qildi.

Qayd etilishicha, yo‘l-transport hodisasi shu kuni soat 13:10 larda Shahrixon tumani “Qoziqo‘rg‘on” mahallasi hududidan o‘tuvchi A-373 avtomobil yo‘lining 409-kilometrida yuz bergan. Haydovchi A.A. (1991-yilda tug‘ilgan) boshqaruvidagi Labo hamda haydovchi O‘.U. (1988-yilda tug‘ilgan) boshqaruvidagi Spark avtomobillari ishtirokida to‘qnashuv sodir bo‘lgan va Labo avtomobili ag‘darilgan.

YTH oqibatida haydovchi A.A. tan jarohati bilan shifoxonaga yotqizilgan.

Holat yuzasidan surishtiruv harakatlari olib borilmoqda. Mavzuga doir:

• Andijonda Nexia-2 rulida uxlab qolgan Rossiya fuqarosi YTHda vafot etdi
• Jizzaxda Nexia bilan to‘qnashgan Lacetti’da qisilib qolgan erkak qutqarildi. Nexia haydovchisi vafot etib, uch yo‘lovchi tan jarohati oldi
• Toshkentda daraxtga urilgan BMW ag‘darildi (video)