Brent markali neft narxi 2014-yil sentabr oyidan beri birinchi marta bir barrel uchun 103 dollargacha ko‘tarildi.
Toshkent vaqti bilan 12:27 holatiga ko‘ra, Brent neftining narxi 7,01 foizga oshib, bir barrel uchun 103,63 dollarni tashkil qildi.
Oxirgi marta Brent nefti 2014-yil sentabrida bir barrel uchun 103 dollardan oshgan edi.
Mutaxassislarning fikricha, yaqin kelajakda neft katta ehtimol bilan bir barrel uchun 95—105 dollar turadi. Voqealarning salbiy rivojlanishi bilan 120—140 dollargacha o‘sishi mumkin.
Avvalroq neft narxi 100 dollarga yaqinlashgani xabar berilgan edi.
Izoh (0)