Toshkent viloyatida 16 metrli quduqqa tushib ketgan fuqaro qutqarildi

Toshkent viloyati Angren shahrida 7-fevral kuni 16 metrli quduqqa tushib ketgan fuqaro qutqarildi. Bu haqda Favqulodda vaziyatlar vazirligi xabar qildi.

Qayd etilishicha, soat 11:48 da shahar 3-yong‘in-qutqaruv qismi dispetcherlik xizmatiga xabar kelib tushgan. Qutqaruvchilar Angren shahar Bunyodkor ko‘chasiga yetib borgan.

Aniqlanishicha, fuqaro V.B. ichimlik suvini chiqarish uchun mo‘ljallangan chuqurligi 16 metr bo‘lgan quduq ichiga tushib ketgan kuchuk bolasini olib chiqmoqchi bo‘lgan. Ammo u osilib tushayotgan arqon kutilmaganda uzilib ketishi oqibatida quduqqa tushib ketgan.

“Qutqaruvchilarning sa’y-harakatlari natijasida fuqaro va kuchuk bolasi quduq ichidan olib chiqildi”, — deyiladi xabarda. Mavzuga doir:

• Bo‘stonliqda FVV dam olishga borgan bir guruh fuqarolarni mashinada jarlikka tushib ketishidan qutqarib qoldi
• Qashqadaryoda 4 metrli quduqqa tushib ketgan sigir chiqarib olindi
• Chirchiq daryosi o‘rtasidagi orolchada qolib ketgan besh kishi qutqarildi