Video: Qordan tozalanayotgan Qamchiq dovoni yo‘llari

Qamchiq dovonidan o‘tgan A-373 avtomobil yo‘lining 228–250-kilometrlari oralig‘ida vaqti-vaqti bilan qor yog‘moqda.

“Qamchiqavtoyo‘l” matbuot xizmatining ma’lum qilishicha, dovonda transport vositalarining beto‘xtov ikki tomonlama harakatlanishini ta’minlash uchun maxsus texnikalar yordamida yo‘llarni qordan tozalash ishlari amalga oshirilmoqda.

IIV YHXBB barcha haydovchilarni oraliq masofani saqlagan holda, tezlik me’yorini oshirmasdan, texnik soz transportda va qoidalarga rioya qilib harakatlanishga chaqirdi.

Respublika Gidrometeorologiya markazi ma’lumotlariga ko‘ra, 4-yanvar kuni respublikaning tog‘li hududlarida havo o‘zgarib turadi, ba’zi joylarda yog‘ingarchilik (yomg‘ir, qor) bo‘ladi, ba’zi joylarda kuchli bo‘lishi mumkin. Ba’zi joylarga tuman tushadi. Shamol g‘arbdan 7-12 metr/sekund tezlikda esadi, ba’zi joylarda 15-20 metr/sekundgacha kuchayadi. Harorat kechasi va kunduzi 3 daraja sovuq-2 daraja iliq bo‘ladi.

Mavzuga doir: “O‘zgidromet” hafta davomida qanday ob-havo bo‘lishini ma’lum qildi