Shavkat Mirziyoyev dekabr oyida Janubiy Koreyaga borishi haqida xabar berilgan edi. Yonhap agentligi ma’lumotlariga ko‘ra, davlat rahbarining ushbu mamlakatga 3 kunlik tashrifi kelasi hafta boshlanadi.
Qayd etilishicha, Seulga tashrif 16-dekabr kuni boshlanadi, 17-dekabrda esa Shavkat Mirziyoyev Janubiy Koreya prezidenti Mun Chje In bilan muzokara o‘tkazadi. Ikki davlat rahbarlari “kelajakka qaratilgan va o‘zaro manfaatli” hamkorlikni kengaytirish chora-tadbirlarini muhokama qiladi.
2022-yilda O‘zbekiston va Janubiy Koreya diplomatik aloqalar o‘rnatilganining 30 yilligini nishonlaydi.
Eslatib o‘tamiz, har ikki davlat rahbarlari 2021-yilning yanvarida videoanjuman shaklida uchrashuv o‘tkazgandi. Janubiy Koreya prezidenti Mun Chje In so‘nggi marta 2019-yil aprelida davlat tashrifi bilan O‘zbekistonda bo‘lgan. Unga qadar 2017-yil noyabrida Shavkat Mirziyoyev Janubiy Koreyaga safar qilgandi. Mavzuga doir:
