Samarqand shahridagi kafelardan birida 15-may kuni 24 yoshli A. ismli yigit boshqa bir mijoz bilan o‘zaro tortishib qolish oqibatida uni urib o‘ldirgan. Unga nisbatan sud hukmi o‘qildi, deb xabar berildi “Yangi davr” ko‘rsatuvida.

Kadr: Videodan skrinshot

Ma’lum bo‘lishicha, 15-may kuni D. ismli yigit do‘stlari bilan dam olish maqsadida kafega kiradi. U yerda boshqa mijozlar bilan tortishib qolib, o‘zaro gap talashgan. Spirtli ichimlik ichgan D. va A. o‘rtasida dahanaki jang bo‘lgan. Mushtlashuv oqibatida D. vafot etgan.

Qayd etilishicha, sud paytida A. o‘z aybiga iqror bo‘lmagan. U marhum bilan tortishgani va urganini tan olgan, ammo “ikki mushtga odam o‘lmaydi” deb hisoblagan. Kafe videokuzatuv kamerasidan olingan tasvirlar va sudga oid tibbiy ekspertiza xulosalari sudlanuvchining ko‘rsatmalarini rad qilgan.

Ta’kidlanishicha, u Jinoyat kodeksining 104-moddasi 3-qismi “d” (o‘limga sabab bo‘lgan qasddan badanga og‘ir shikast yetkazish) bandi bilan aybdor deb topilib, 8 yilga ozodlikdan mahrum qilingan.